Avvalgi maqolalarimizda islomiy moliya tamoyillari asosida faoliyat yurituvchi IMAN Invest investitsiya fondiga bo‘sh pul mablag‘larini kiritish haqida yozgan edik. Bizning obunachilarimiz iltimosiga ko‘ra bugun sizlarga ushbu fond haqida batafsil ma’lumot beramiz.
Mamlakatimizda islomiy moliyaga qiziquvchilar va islom qoidalariga muvofiq sarmoya kiritmoqchi bo‘lganlar kun sayin ko‘payib bormoqda. IMAN investitsiya fondi islomiy moliya qoidalariga amal qiluvchi va oʻz faoliyatida sudxoʻrlikga yoʻl qoʻymaydigan ana shunday loyihalardan biridir. Shu bilan birga, bu moliyaviy piramida yoki boshqa ta’qiqlangan yoki firibgarlik faoliyati turi emas. Nega? Keling, bu haqida batafsil gaplashamiz.
IMAN Invest bu nima?
IMAN O‘zbekistondagi birinchi tuliq Islom Moliyasi tamoyillariga asoslangan investision fond bulib, investorlardan mablag‘larni jalb qilish va uni savdoga yo’naltirish, savdodan kelgan foydani esa investorlar orasida taqsimlash bilan shug‘ullanadi. Bu jarayon qonun ustuvorligi va shaffof zamonaviy texnologiyalarda asoslangan investision platforma tufayli maksimal darajada qulay va ishonchlidir.
IMAN Invest jalb qilingan pullarni qayerga yo’naltiradi?
IMAN jalb qilingan sarmoyalarni tibbiyot, ta'lim, elektronika, kichik va katta maishiy texnika savdosi, qurilish mollari kabi sohalarda mahsulotlar va xizmatlarni IMAN Pay loyihasi orqali moliyalashtirishga yo’naltiradi. IMAN Pay loyihasi o'z hamkorlari orqali turli tovarlarni muddatli to’lovga savdo qilish bilan shug'ullanadi. Ya’ni IMAN Pay muddatli to’lov bilan savdo qiluvchi chakana savdo tarmoqlari uchun investor sifatida ishlaydi.
Bu jarayon qanday amalga oshiriladi?
IMAN sherikchilik asosida investorlardan mablag‘larni jalb qiladi va uni tijoratga yo’naltiradi va shu tijoratdan kelgan foydani investorlar orasida taqsimlaydi. IMAN Pay va hamkorlar orqali tovarlarni muddatli to‘lov evaziga sotib oluvchilar qancha ko‘p bo‘lsa, IMAN Invest investorlari uchun foyda shunchalik ko‘p bo‘ladi. Qonun nuqtai nazaridan, barcha investorlar sherikchilikka hissa qo’shgan hisoblanadi.
IMAN Invest o'ziga tegishli bo'lmagan tovarlarni sotadimi?
IMAN sotmoqchi bo'lgan mahsulot yoki xizmatni o'z ixtiyoriga sotib oladi va shundan keyingina bitim amalga oshiriladi.
IMAN Invest kompaniyasiga sarmoya kiritish treydingning bir turi hisoblanadimi?
IMANga sarmoya kiritish treyding turi hisoblanmaydi. IMAN investorlarga passiv daromad olish imkoniyatini beradi va IMANga kiritilgan sarmoyalar muddatli to‘lov asosidagi savdo (ya'ni rassrochka)ga yo‘naltiriladi.
IMAN Invest kompaniyasiga kimlar sarmoya kiritishi mumkin?
18 yoshdan oshgan va shaxsni tasdiqlovchi rasmiy guvohnomaga ega bo‘lgan O‘zbekiston Respublikasi fuqarolari dunyoning istalgan nuqtasidan IMAN Investga sarmoya kiritishlari mumkin.
IMAN Investga qanday qilib sarmoya kiritish mumkin va minimal investitsiya miqdori qancha?
Bu erda hamma narsa oson va sodda. Avval IMAN Invest mobil ilovasi yuklab olishingiz, ro’yxatdan o’tib shaxsingizni tasdiqlashingiz kerak. Ro‘yxatdan o‘tishning barcha bosqichlaridan o‘tganingizdan so‘ng siz investitsiya qilishni boshlashingiz mumkin, ya’ni investitsiya hisobingizni bank yoki plastik karta orqali to‘ldirishingiz mumkin. Minimal investitsiya miqdori 1 million so‘mni tashkil etadi.
Va, ehtimol, barchani qiziqtiradigan eng muhim savol - IMAN Invest o'z investorlari uchun qancha foyda keltiradi?
Yillik daromad darajasi 20-30% miqdorida ko'rsatilgan. Investorning foydasi to'g'ridan-to'g'ri sheriklarning foydasiga bog'liq bo'lib, u o'z navbatida bir qator ko'rsatkichlarga bog’liq, masalan, savdo hajmiga bog'liq - savdo qanchalik ko'p bo'lsa, foyda shunchalik ko'p bo’ladi, va aksincha. Asosiy shart - siz foyda olishingiz mumkin, ammo zarar ham ko'rishingiz mumkin. Foyda kafolatlanmaydi, chunki 100% foyda kafolati islom moliyasi tamoyillariga mos kelmaydi. Ammo IMAN Invest bilan investorning foyda olish imkoniyati ko'proq bo'ladi, risklar esa minimaldir.
Shunday qilib, bugungi kunda IMAN Invest islomiy moliya tamoyillari asosida faoliyat yurituvchi eng mashhur investitsiya fondlaridan biri hisoblanadi. Keyingi nashrlarda biz investitsiya sxemalari va jarayonlari, IMAN Invest bilan foydani hisoblash haqida batafsilroq gaplashamiz.
Sayt ma'lumotlaridan foydalanganda sayt havolasi ko'rsatilishi kerak.
