19-October, 20:01 |  421

Shaxsiy biznesni boshlash: O'z biznesingizni ro'yxatdan o'tkazish

Shaxsiy biznesimizni yo'lga qo'yish uchun olg'a qadam tashlashda davom etamiz. Xo'sh biznes reja tuzib oldik, bozorni tahlil qildik, biznes uchun kerakli mablag'ni ham topdik.

Shaxsiy biznesni boshlash: O'z biznesingizni ro'yxatdan o'tkazish

Endigi qadam esa biznesni ro'yxatda o'tkazish. O'z tadbirkorlik faoliyatingizni rasmiylashtirish uchun ikki usulda davlat ro'yxatidan o'tkazishingiz mumkin:

1. Shaxsan kelgan holda
2. Internet orqali

1-usul 3 bosqichda amalga oshiriladi:

- talab etilgan ma'lumotlarni kiritish uchun tumaningizda (shahar) joylashgan Davlat xizmatlari markaziga murojaat qilasiz;
- so'ng sizga to'lovni amalga oshirish uchun identifikatsion raqam beriladi;
- to'lov ijobiy amalga oshgandan so'ng, Guvohnomangiz avtomatik tarzda hosil bo'ladi va siz uni markaz xodimidan olishingiz mumkin.

Internet orqali esa, siz dastavval:

-elektron raqamli imzo olishingiz kerak. my.soliq.uz sayti orqali yoki istalgan Davlat soliq inspeksiyasining tuman (shahar) bo'limidan elektron raqamli imzo olishingiz mumkin;
-id.gov.uz saytidan login va parol olish uchun ro'yxatdan o'tishingiz lozim;
-fo.birdarcha.uz saytiga id.gov.uz sayti orqali login va parolingizni kiritgan holda kirasiz;
- tizimga kiriboq "Biznesni ro'yxatga olish" bo'limiga kirib, birma-bir barcha bosqichlardan o'tishingiz lozim.

Biznesni davlat ro'yxatidan o'tkazish va qayta ro'yxatdan o'tkazish internet orqali amalga oshirilganda belgilangan davlat bojining 90% miqdorini to'laysiz!

O'xshash yangiliklar

depozit.uz logo
Eng yaxshi takliflar va yangiliklarni bizning telegram kanalda kuzatib boring.
Obuna bo'lish