Plastik kartani qanday tanlash kerak?

Bank plastik kartasini birinchi marta olishni istagan shaxs uchun mahsulot reklamalarida ko'rsatilgan xususiyatlarning ko'pligi tufayli tanlov qilish qiyin. Ushbu materialda biz sizga debet bank kartasini qanday to'g'ri tanlash kerakligini va nimalarga alohida e'tibor berish kerakligini tushuntirishga harakat qilamiz.

Bank kartasini tanlash bo'yicha ko'rsatmalar

Biz eng yaxshi debet kartalarini topish bo'yicha bosqichma-bosqich ko'rsatmalarni taklif qilamiz.

Bank takliflarini o'rganish. Plastik kartani tanlash qoidalari boshqa mahsulotlarni qidirishdan unchalik farq qilmaydi. Ishning eng muhim qismi tayyorgarlik bosqichiga to'g'ri keladi - kredit tashkilotlarining takliflarini o'rganish va kartadan foydalanish shartlarini tahlil qilish.

Jarayonni osonlashtirish uchun siz maxsus resurslardan foydalanishingiz kerak, masalan, Depozit.uz saytida Debet kartalari sahifasida barcha shartlarni ko'rsatgan holda debet kartalari bo'yicha barcha bank takliflari keltirilgan. Karta tanlashda bir nechta variantni tanlash tavsiya etiladi.

Bank qulayliklari. Bankning qulayligi sub'ektiv mezon bo'lib, asosiysi uning xizmatlari sizning ehtiyojlaringizga javob berishidir. Nimalarga e'tibor berish kerak?

• Internet-banking va mobil banking. Katta ehtimol bilan siz ushbu xizmatlarni foydali deb topasiz. Ularning qanday ishlashi, siz tanlagan bankda qanchalik qulay amalga oshirilganligi haqida oldindan ma'lumot to'plash yaxshiroqdir.
• Bankomatlar va bank filiallarining soni va joylashuvi. Uyingiz yoki ofisingiz yaqinida qaysi bankomat va bank filiallari joylashganligini xaritada qarang va filialning ish vaqtini tekshiring. Bankomat va filiallar qancha ko'p bo'lsa, bank mijozi uchun shunchalik qulay bo'lishi mantiqan to'g'ri.
• Hamkorlik istiqbollari. Ko'pincha doimiy va ishonchli bank mijozlari imtiyozlarga ega bo'lishadi. Ehtimol, kelajakda siz bankning boshqa mahsulotlari va xizmatlaridan foydalanasiz: kredit olish, depozit qo'yish. Shuning uchun, bankning kelajakda sizga mos keladigan takliflari bor yoki yo'qligini oldindan o'rganish yaxshiroqdir.

Karta olish uchun onlayn ariza yuborish. Biroz vaqt o'tgach, bank xodimi potentsial mijoz bilan bog'lanib, qo'shimcha savollar beradi. Agar shaxs kartalarni chiqarish uchun belgilangan shartlarga javob bersa, kartani chiqarish joyi va vaqti u bilan kelishib olinadi.

Shartnomani imzolash va kartani olish. Bank ofisiga shaxsingizni tasdiqlovchi hujjatingizni o'zingiz bilan olib keling. Bu bank bilan shartnomani rasmiylashtirish uchun zarur bo'lgan yagona hujjatdir. Hujjatlarni imzolashdan oldin ularni diqqat bilan o'qib chiqishingiz kerak. Status kartalarini olish uchun siz o'z hisobingizga pul kiritishingiz kerak bo'ladi.

Faollashtirish. Kartani faollashtirish usuli bankka bog'liq. Ba'zi banklar ertasi kuni mustaqil ravishda kartalarni faollashtiradi, ba'zilarida siz kartani bankomatga kiritishingiz va ba'zi operatsiyalarni bajarishingiz kerak, masalan, balansni so'rash. Faollashtirish ishonch telefoniga qo'ng'iroq qilish orqali, bank ofisida yoki shaxsiy kabinet orqali amalga oshirilishi mumkin.

Qaysi parametrlarga e'tibor berish kerak

Debet kartasini tanlashda asosiy jihat narx / sifat nisbati hisoblanadi. Ya'ni, siz mijozning ehtiyojlarini to'liq qondiradigan va eng past narxga ega bo'lgan mahsulotni izlashingiz kerak.

Insonning ehtiyojlari juda individualdir. Bir kishi uchun eng yaxshi debet bank kartalari boshqasiga mos kelmasligi mumkin. Shuning uchun, bank takliflarini tahlil qilishni boshlashdan oldin, tanlov o'tkaziladigan parametrlarni aniqlash maqsadga muvofiqdir.

Asosiy mezonlar:

Mahalliy yoki xalqaro. Agar siz kartadan chet elda foydalanishni rejalashtirayotgan bo'lsangiz, xalqaro variantni yoki mahalliy to'lov tizimida ham, chet elda ham ishlaydigan kobeyj kartalarini tanlang.

Karta valyutasi. Yevro yoki dollardagi plastic kartalar ham xalqaro to'lovlarda qo'llaniladi.

To'lov tizimi. O‘zbekistonda mamlakat ichida Uzcard va Humo kartalaridan, xorijiy kartalardan Visa, MasterCard va UnionPay’dan foydalaniladi. Ichki foydalanish uchun siz ulardan birini tanlashingiz mumkin. Chet elga sayohat qilish uchun siz tashrif buyurgan joylarda qaysi kartalar afzalligini aniqlash zarur.

Keyingi mezonlar guruhi plastikning moliyaviy foydasini aniqlaydi. Bunga quyidagilar kiradi:

1. xizmat narxi;
2. balans qoldiq bo'yicha foizlar;
3. keshbek;
4. bonus dasturlari.

Xizmat narxi. Debet karta egasining xarajatlariga quyidagilar kiradi:

• Hisobga xizmat ko’rsatish uchun to'lov. Odatda bu to’lov yillik hisoblab chiqiladi, lekin ba’zida oylik ham hisoblanadi.
• Naqd pul yechib olish uchun komissiya. Odatda, banklar debet karta egalariga o'z bankomatlaridan pulni bepul yechib olish imkonini beradi. Lekin buni shartnoma shartlarida ko'rsatilganligiga ishonch hosil qilish kerak.
• SMS-xabarnomalar uchun to'lov.
• Pul mablag'larini konvertatsiya qilish uchun to'lov. Agar tranzaksiya valyutasi karta valyutasidan farq qilsa qo’shimcha komissiya undiriladi.

Keshbek. Keshbek - bu plastik karta orqali to'langan xaridlar uchun pulning kichik foizini hisobingizga qaytarish. Bu moliyaviy foyda olishning eng tezkor usuli. Qanchalik ko'p pul qaytarilsa, plastik karta egasi uchun shuncha yaxshi bo'ladi.

Ammo, afsuski, mamlakatimizda bu vosita yetarli darajada rivojlanmagan va keshbekdan moliyaviy foyda olish hali qiyin.

Balansdagi qoldiq uchun foizlar

Jahon amaliyotida, bankirlarning fikriga ko'ra, balansdagi qoldiq bo'yicha foizlar debet kartasini tanlashda eng rag'batlantiruvchi ko'rsatkich hisoblanadi. Ushbu jihat kartada katta miqdordagi mablag'ni saqlaydigan mijozlar uchun dolzarbdir. Ko'pincha foizlarni hisoblanishi kartadagi minimal qoldiqni saqlashga bog'liq. Ba'zi banklar har qanday miqdor uchun daromad to’laydi.

Kartadagi bonuslar

Bonus va sodiqlik dasturlari keshbekga o'xshaydi. Faqat haqiqiy pul o'rniga xaridorga bonuslar, millar va ballar beriladi. Siz yig'ilgan ballarni faqat dastur shartlariga muvofiq sarflashingiz mumkin. Mijozlarni jalb qilishning ushbu usulining mashhurligi belgilangan stavka va bonuslar mavjudligiga bog'liq.

Depozit.uz saytida Debet kartalar sahifasida O‘zbekistonda mavjud barcha debet kartalar shartlari bilan tanishishingiz mumkin.