Vaksina olgan abituriyentlarning kontrakt to'loviga 10 foizlik chegirma beriladi!
Oliy va o‘rta maxsus taʼlim vazirligi xabar berishicha, ko‘pchilik talabalar va ularning ota-onalari hamda oliy ta‘lim muassasalari rektorlarining murojaatlaridan kelib chiqib, oliy ta‘lim muassasalari bakalavriatining sirtqi yoki kechki ta‘lim shakli bo‘yicha bazaviy to‘lov-kontrakt asosida talabalikka tavsiya etilgan va tahsil olayotgan hamda 2021-yil 1-noyabrga qadar koronavirus infeksiyasiga qarshi emlangan (vaksina olgan) talabalarga 2021/2022-o‘quv yili uchun belgilangan stipendiyasiz bazaviy to‘lov-kontrakt miqdorlariga bir martalik 10 foiz chegirma (bonus) berilishi belgilandi.
Shuningdek, super-kontraktda 0,5 ball uchun yengillik berildi.
Joriy yilda istisno tariqasida super-kontrakt miqdorini arzonlashtirilgan holda to‘lanadigan 4 ballik chegarada 0,5 ball qo‘shiladigan bo‘ldi. Ya’ni:
— 1,05 ballgacha etmagan abituriyentlar uchun – bazaviy to‘lov-kontrakt miqdorining 1,5 barobari;
— 1,06 balldan 2,05 ballgacha — 2,0 barobari;
— 2,06 balldan 3,05 ballgacha — 2,5 barobari;
— 3,06 balldan 4,05 ballgacha — 3,0 barobari.
Sayt ma'lumotlaridan foydalanganda sayt havolasi ko'rsatilishi kerak.
