Onlayn mikroqarzlar - pulni ma'lum foizda zudlik bilan olishning tez va qulay usuli.
Ammo, shunga qaramay, onlayn mikroqarz olish so'zda aytilganidek oson emas. Buning bir qator sabablari mavjud.
Birinchidan, oldingi maqolamizda aytib o’tganimizdek, onlayn mikroqarz 33 ta bankdan faqat 11 tasida taqdim etiladi, ya’ni tanlov juda kam.
Ikkinchidan, onlayn mikroqarz beradigan banklar – Ipoteka-bank, Aloqabank, O’zsanoatqurilishbank, Mikrokreditbank va Trastbank faqat shu bankning ish haqi loyihasida ishtirok etuvchi tashkilotlar xodimlariga kredit ajratadi, boshqa shaxslarga berilmaydi. Qolgan banklar – TBC bank, Anorbank, Asakabank, Agrobank, Ipak Yo'li bank va Davr bank ushbu banklarning mobil ilovalari orqali doimiy daromadga ega bo’lgan har qanday shaxs identifikasiyadan o’tgan holda onlayn mikroqarz olishi mumkin.
Uchinchidan, mijozlarning kredit tarixi va daromadlariga nisbatan qo’yiladigan qat’iy talablar. Masalan, TBC bank qarz oluvchi ohirgi 12 oy davomida barqaror daromadga ega bo’lishini talab qiladi. Anorbank esa o’rtacha oylik ish haqi 1.5 mln so’mdan kam bo’lmaslik talabini qo’yadi.
Bugungi kunda, onlayn mikroqarzlarning maksimal summasi 50 mln. so’mni tashkil etadi, muddati 1 oydan 4 yilgacha.
Quyidagi jadvalda hozirgi vaqtda mavjud bo’lgan barcha onlayn mikroqarzlarning batafsil shartlari keltirilgan.
| Bank nomi | Foiz stavkasi | Muddati | Maksimal summa, so’m | Ta’minot | Kredit ajratiladigan mijozlar |
| Ipoteka-bank | 24% | 2 yil | 50 mln | Sug’urta polisi | Bankning ish haqi loyihasida ishtirok etuvchi mijozlari |
| Anor bank | 24% dan | 2 yil | 50 mln | Talab etilmaydi | Rasmiy daromadga ega bo’lgan barcha shaxslar |
| Agrobank | 25% | 1 yil | 20 mln | Sug’urta polisi yoki uchinchi shaxs kafilligi | Byudjet tashkilotlari xodimlari |
| 25% | 20 mln | Xalqaro pul o‘tkazmalari orqali jo‘natilgan mablag‘larni shu bankda ochilgan plastik kartaga qabul qiluvchi shaxslar | |||
| 27.99% | 10 mln | Rasmiy daromadga ega bo’lgan barcha shaxslar | |||
| Aloqabank | 26.9% | 1 oy | 3 mln | Talab etilmaydi | Bankning ish haqi loyihasida ishtirok etuvchi mijozlari |
| O’zsanoatqurilishbank | 26.9% | 1 yil | 30 mln | Sug’urta polisi | Bankning ish haqi loyihasida ishtirok etuvchi mijozlari |
| Mikrokreditbank | 24% | 3 oy | 1.5 mln | Talab etilmaydi | Bankning ish haqi loyihasida ishtirok etuvchi mijozlari |
| 27% | 1 yil | 5 mln | |||
| TBC bank | 28% dan | 3 yil | 50 mln | Talab etilmaydi | Doimiy daromadga ega bo’lgan barcha shaxslar |
| Trastbank | 30% | 1 yil | 10 mln | Sug’urta polisi | Bankning ish haqi loyihasida ishtirok etuvchi mijozlari |
| Asakabank | 32% | 1 yil | 20 mln | Sug’urta polisi | Rasmiy daromadga ega bo’lgan barcha shaxslar |
| 34% | 2 yil | ||||
| Ipak Yo’li bank | 34.9% | 1 yil | 30 mln | Talab etilmaydi | Rasmiy daromadga ega bo’lgan barcha shaxslar |
| Davr bank | 38% | 4 yil | 50 mln | Sug’urta polisi | Rasmiy daromadga ega bo’lgan barcha shaxslar |
Bu va boshqa mikroqarzlarning batafsil shartlari bilan Mikroqarz sahifasida tanishishingiz mumkin.
Sayt ma'lumotlaridan foydalanganda sayt havolasi ko'rsatilishi kerak.
