Ipoteka kreditini subsidiya asosida olish uchun davlat dasturi bo’yicha ipoteka kreditini taqdim etadigan banklarga murojaat qilish kerak.
Davlat dasturi bo‘yicha ipoteka kreditlari 31 ta bankdan 12 tasi tomonidan beriladi. Ushbu ipoteka krediti faqat birlamchi bozordan uy-joy sotib olish uchun taqdim etiladi.
Quyidagi banklarda davlat dasturi asosida ipoteka kreditini rasmiylashtirish mumkin.
| Bank nomi | Foiz stavkasi | ||
| Toshkent shahri | Boshqa shaharlar | Qishloq joylar | |
| Agrobank | 18% | 18% | 17% |
| Asakabank | 17% | 17% | 17% |
| Aloqabank | 18% | 18% | 17% |
| Hamkorbank | 17% | 17% | 17% |
| Ipoteka-bank | 18% | 17% | 17% |
| Mikrokreditbank | 17% | 17% | 17% |
| Orient Finans bank | 17% | 17% | 17% |
| O‘zmilliybank | 18% | 18% | 18% |
| O‘zsanoatqurilishbank | 17% | 17% | 17% |
| Turonbank | 18% | 18% | 17% |
| Qishloqqurilishbank | 17% | 17% | 17% |
| Xalq banki | 17% | 17% | 17% |
!!! Shuni bilish kerakki, subsidiya bank tomonidan berilmaydi.
Ipoteka kreditini subsidiya asosida olish uchun mijoz birinchi navbatda subsidiya uchun ariza topshirishi va subsidiya ajratilishi bo’yicha ijobiy qarorga ega bo’lishi lozim. Undan so’ng, bankka kerakli hujjatlar bilan murojaat qilish maqsadga muvofiqdir. Bank kredit ajratilishi bo’yicha qarorni mustaqil ravishda o’z ichki siyosatidan kelib chiqqan holda qabul qiladi. Shuningdek, subsidiya bo’yicha ijobiy qaror qabul qilingan bo’lsa ham, bank kredit ajratish bo’yicha rad javobini berishi mukin.
Barcha ipoteka kreditlarining batafsil shartlari bilan Ipoteka kreditlari sahifasida tanishishingiz mumkin.
Sayt ma'lumotlaridan foydalanganda sayt havolasi ko'rsatilishi kerak.
