“O’zbеkiston sanoat – qurilish banki” aksiyadorlik tijorat banki

Bank haqida

“O’zsanoatqurilishbank” ATB 1922 yilda tashkil etilgan bo’lib, O’zbеkiston Rеspublikasidagi eng boy tarixga ega moliya muassasalaridan biri hisoblanadi.

Bank aktivlar va kredit portfeli xajmiga ko’ra mamlakatdagi ikkinchi eng yirik bank hisoblanadi.

Bank tarixan korporativ segmentda faoliyat yuritgan. Lekin, 2018 yilda xorijiy konsalting kompaniyalari yordamida boshlangan transformatsiya jarayonida bank o’z strategiyasini o’zgartirdi. Endilikda bank uch yo’nalish, ya’ni, korporativ biznes, kichik va o’rta biznes xamda chakana biznes segmantlarida faoliyat ko’rsatmoqda. Batafsil

Bugungi kunda bank ko’p yo’nalishlar bo’yicha etakchi bank hisoblanadi. Bunga misol, bank mamlakat tarixida birinchi bo’lib xorijiy moliya bozorlarida evrobondlarni muomalaga chiqardi. Bundan tashqari, bank raqamlashtirish va yangi bank mahsulotlarini joriy qilish bo’yicha xam yetakchi banklardan biridir. Bular bir qator xalqaro moliya institutlari va tashkilotlar tomonidan e’tirof etilmoqda. Jumladan, Asia Money, Osiyo taraqqiyot banki, Islom taraqqiyot banki kabi tashkilotlar tomonidan qator yillar davomida bankka “Eng yaxshi maxalliy bank” unvoni bilan taqdirlagan.

Reytinglar
Standard & Poor's va Fitch Ratings xalqaro reyting agentliklari tomonidan bankga “BB-” darajasida reyting berilgan. Bu maxalliy banklar reytingi orasida eng yuqori reytingdir.

Bank filial tarmog’i
Bank Rеspublikaning barcha viloyatlarida o’z filiallariga ega bo’lib, ularning soni 45 taga teng.

Bank aksiyadorlari
Bankning eng yirik aksiyadori O'zbekiston tiklanish va taraqqiyot jamg'armasi bo’lib, jamg’arma bankning 82,1% aksiyalariga egalik qiladi. Yopish