Bolalar uchun jamg’arma omonatlari

Bolaga nima uchun omonat kerak

Har qanday mas'uliyatli ota-ona kelajakda bolaning moliyaviy farovonligiga oldindan sarmoya kiritishni xohlaydi. Shunday vaziyatlar ham borki, bolalar shunchalik ehtiyotkor bo'lishadiki, ular turli bayramlar uchun berilgan deyarli barcha pullarni sarflamaydilar, balki jamg’aradilar. Ba'zi mamlakatlarda o'z pulini bankka qo'ymoqchi bo'lgan bolalarni ko’rish oddiy holatdir. Bola uchun omonat yaqin qarindoshlar tomonidan ochiladi, masalan g'arb mamlakatlarida bu keng tarqalgan moliyaviy amaliyotdir. Bizning mamlakatimizda bolalar uchun omonatlar qanchalik mashhur? Keling, buni maqolamizda aniqlaymiz.

Bolalar omonatlarining xususiyatlari

Banklar tomonidan taklif qilinayotgan bolalar uchun omonatlar – bu aniq maqsad bilan tuzilgan uzoq muddatli bitimdir. Uning asosiy maqsadi - omonatchi voyaga yetgunga qadar pul yig'ishdir. Bunday omonatning asosiy parametrlari quyidagilar:

• omonatlar uchun aholining omonatlarini kafolatlash davlat dasturi amal qiladi;
• omonatlarni boshqarish usulini tanlash bolaning yoshiga bog'liq. 14 yoshdan boshlab bola omonat ustidan qisman nazoratni o’ziga olishi mumkin: u qonun hujjatlariga muvofiq kredit tashkilotlariga omonat qo‘yishi va ularni tasarruf etishi mumkin (O‘zbekiston Respublikasi Fuqarolik kodeksining 27-moddasi);
• bolalar omonatlarining daromadliligi uzoq muddatli omonatlar bo'yicha foiz stavkalarining o'rtacha darajasiga mos keladi (9-19%);
• 14 yoshga to‘lgan voyaga yetmagan bola pasport va ota-onasining yozma roziligini ko‘rsatgan holda mustaqil ravishda bank omonatini ochishi mumkin. Bu yoshga qadar bu masala bilan bolaning ota-onasi shug'ullanadi.

Bola uchun omonat ochish muammo emas, chunki bugungi kunda ko'plab banklar bunday omonatlarni taklif etadi. Ammo, ushbu investitsiya vositasini tanlashdan oldin, shuni bilish kerakki, bunday omonatlar uzoq muddatli bo'lib, ko'p hollarda foydani muddat oxirida olinishini yoki foizlar kapitalizatsiyasini nazarda tutadi. Shartnomani imzolashdan oldin, potentsial foydani hisoblash kerak. Daromadlilik to'g'ridan-to'g'ri inflyatsiyaga bog'liq bo'ladi. Inflyatsiya darajasining keskin oshishi pulning sotib olish qiymatining pasayishiga olib kelishi mumkin.

O’zbekistonda bolalar balog’at yoshiga yetguniga qadar rasmiylashtiriladigan omonatlar bir qator banklar tomonidan taklif etiladi. Ularning asosiy shartlari quyidagilar:

Omonatlar bo’yicha batafsil ma’lumotni Omonatlar sahifasidan olishingiz mumkin.