O‘zbekistonda faoliyat yuritayotgan 31 ta bankning faoliyat ko‘rsatkichi baholandi.
Iqtisodiy tadqiqotlar va islohotlar markazi tomonidan har chorakda o‘tkaziladigan so‘rovnoma yakuniga ko‘ra, O‘zbekistonda faoliyat yuritayotgan 31 ta bankning faoliyat ko‘rsatkichi baholandi.
Baholash ko‘rsatkichlari asosan quyidagi yo‘nalishlar bo‘yicha hisoblangan:
✔️Moliyaviy vositachilik;
✔️Moliyaviy ommaboplik;
✔️Kapital yetarliligi;
✔️Aktivlar sifati;
✔️Boshqaruv samaradorligi;
✔️Daromad olish salohiyati;
✔️Likvidlilik.
Ko‘rsatkichning eng yuqori pog‘onalarida o‘tgan yilning II-choragidan buyon Kapitalbank birinchilikni saqlab, umumiy reytingda o‘z o‘rnini mustahkamlab borayotgan bo‘lsa, Trastbank umumiy reytingda 2 pog‘ona ko‘tarilib, 2-o‘rinni egallagan. Aloqa bank esa, davlat ulushi mavjud yirik banklardan biri sifatida umumiy reytingda 3-o‘rinni saqlab qoldi.
Shuningdek, joriy yilning I-choragida Mikrokreditbank va O‘zsanoatqurilishbank umumiy reytingda eng yuqori ko‘tarilishga erishdi. Ushbu banklar o‘tgan yilning IV-choragidagi pozitsiyasidan 4 pog‘onaga yuqorilagani maʼlum qilindi.
Tijorat banklarining batafsil reyting natijalari bilan quyidagi ilovada tanishishingiz mumkin.
Sayt ma'lumotlaridan foydalanganda sayt havolasi ko'rsatilishi kerak.
