14-September, 18:52 |  1,561

Qimmatli qog‘ozlar bozorida qanday o‘zgarishlar kutilmoqda?

Kuni kecha Toshkentda Rossiyaning yetakchi kompaniyalaridan biri Сbonds kompaniyasi tomonidan tashkil etilgan “O‘zbekiston Respublikasi kapital bozori” mavzusida III-xalqaro konferensiyada, O‘zbekiston Respublikasi Tashqi iqtisodiy faoliyat milliy banki, Rossiyaning yetakchi banklari Gazprombank, Sovkombank, Qozog‘iston Respublikasining Xalq banki vakillari ishtirok etdi.

Qimmatli qog‘ozlar bozorida qanday o‘zgarishlar kutilmoqda?

Anjuman davomida O‘zbekiston Respublikasining moliya bozori, mahalliy kompaniyalarning jahon bozorlariga chiqishi va mamlakatga investitsiya jalb qilish imkoniyatlari, shuningdek, mahalliy qimmatli qog‘ozlar bozorining rejalari va istiqbollari muhokama qilindi.

Bugungi kunning dolzarb vazifalaridan hisoblangan mahalliy fond birjasi orqali ustav kapitalida davlat ulushi bo‘lgan aksiyadorlik jamiyatlari aksiyalarini birlamchi (IPO) va ikkilamchi (SPO) ommaviy taklifini qo’yish orqali, davlat ishtirokidagi korxonalarni xususiylashtirishni rag‘batlantirish, emitentlar sonini ko‘paytirish, yangi moliyaviy mahsulotlarni joriy etish va korporativ boshqaruvni takomillashtirish masalalari anjuman doirasida ko‘rib chiqildi.

Xususan, ko‘rib chiqilgan vazifalarga muvofiq:

  • kelgusi 3 yil ichida 15 ta IPO kutilayotganligi, shulardan 5 tasi davlat banki, 3 ta sug‘urta kompaniyasi hamda metallurgiya va boshqa kompaniyalarga tegishli ekanligi;
  • oltin uchun ETF, ipoteka obligatsiyalari, sukuk obligatsiyalari;
  • inflyatsiyaga bog‘langan obligatsiyalarni chiqarilishi;
  • qimmatli qog‘ozlar markaziy depozitariysi bilan xalqaro depozitariy o‘rtasida, mahalliy fond birjasi va valyuta birjasining o‘zaro bog‘liqligini takomillashtirish;
  • depo hisobvaraqlarini masofadan turib ochish imkoniyatini yaratish taʼkidlandi.
     

Shuningdek, anjuman doirasida boshqa davlatlar tajribasini hisobga olgan holda, qonunchilik bazasini yaratish muhim ahamiyat kasb etishini, ayni paytda “Kapital bozori to‘g‘risida”gi qonun, xalqaro komissiyalar tashkiloti (IOSCO) tamoyillariga asoslangan holda loyiha ustida ish olib borilayotganligi borasida axborot berildi.

O'xshash yangiliklar

depozit.uz logo
Eng yaxshi takliflar va yangiliklarni bizning telegram kanalda kuzatib boring.
Obuna bo'lish