15-June, 10:42 |  2,807

“Ipoteka-bank” ATIB kredit reytingi “salbiy”dan “barqaror” darajaga ko‘tarildi

2021 yil 4 iyunda «S&P Global Ratings» xalqaro reyting agentligi O‘zbekiston Respubikasi tijorat banklari bo‘yicha navbatdagi hisobotni eʼlon qildi.

“Ipoteka-bank” ATIB kredit reytingi “salbiy”dan “barqaror” darajaga ko‘tarildi

Bank Axborot xizmati maʼlum qilishicha, 2021 yil 4 iyunda «S&P Global Ratings» xalqaro reyting agentligi O‘zbekiston Respubikasi tijorat banklari bo‘yicha navbatdagi hisobotni eʼlon qildi. Hisobotga ko‘ra, tijorat banklari orasida “Ipoteka-bank” aksiyadorlik tijorat ipoteka bankining kredit reytingi “VV-/V” darajada saqlab qolingan holda, reyting istiqboli “salbiy”dan “barqaror”ga oshirildi.

“S&P” xalqaro reyting agentligi tahlilchilarining fikriga ko‘ra, “Ipoteka-bank” adekvat kapitalizatsiya ko‘rsatkichlarini saqlab qoladi va ravon xususiylashtirish jarayonini taʼminlash uchun zarurat tug‘ilganda davlat tomonidan qo‘llab-quvvatlab boriladi.

Bugungi kunda “Ipoteka-bank” O‘zbekistonning to‘rtinchi yirik banklaridan biri hisoblanadi hamda 2020 yil yakuni bo‘yicha 8,9 foiz ulushga ega bo‘ldi.

Aytish joizki, Ipoteka-bank keyingi yillarda ham o‘zining bank mahsulotlarini ko‘paytirish, xizmat ko‘rsatish sifatini oshirish va barcha biznes-segmentlaridagi mijozlariga yuqori sifatli xizmat ko‘rsatish bilan birga, o‘z vazifalarini to‘laqonli bajarib kelayotgan banklardan biri sifatida faoliyat yuritmoqda.

 Teglar

Banklar

O'xshash yangiliklar

depozit.uz logo
Eng yaxshi takliflar va yangiliklarni bizning telegram kanalda kuzatib boring.
Obuna bo'lish